SPANJE/ Mourinho zbeh euforinë: Nuk e kemi prekur titullin

E premte, 03 Shkurt 2012 13:10

Madrid - Jose Mourinho nuk ndryshon kurrë dhe del sërish kundër rrymës. Shtatë pikët diferencë me rivalët e përjetshëm janë shumë, të paktën për opinionin futbollistik në Spanjë, që e sheh Realin e Madridit kampionin e ri të Primera Division. Por nuk mendon kështu tekniku portugez, i cili zbeh euforinë e skuadrës së tij, duke u shprehur se kampionati është ende i gjatë dhe se të gjithë futbollistët duhet të japin maksimumin deri në fund.
"Ende nuk e kemi prekur titullin, kështu nuk mund të themi se jemi kampionë. Kështu e mendoj unë. Kampionati zgjat deri në maj dhe vetëm atëherë mund të festojmë. Sigurisht jemi skuadra më e mirë. Kryesojmë kampionatin dhe jemi kualifikuar me një ecuri record në Ligën e Kampioneve. Tani duhet të vazhdojmë me të njëjtin ritëm"- ka thënë Mourinho. Tekniku i Realit të Madridit ka folur në prag të ndeshjes së radhës në Primera Division, ku skuadra e tij do të luajë në tranfertën e vështirë kundër Getafe. Mourinho llogarit tri pikët e fitores në këtë sfidë duke i besuar sërish treshes magjike Ronaldo-Ozil-Kaka.
"Për fat të mirë të gjithë lojtarët janë në një formë të shkëlqyer fizike. Nuk e kam zakon të flas për formacionin, por mund të them se cdo trajer do të donte që të kishte luksin për të zgjedhur"- është shprehur Mourinho. Pas 20 javëve të luajtura deri tani në kampionatin spanjoll, Reali i Madridit kryeson renditjen me 52 pikë.

Artikuj te Tjere:

EURO 2012/ Hodgson, surpriza të mëdha te Anglia

Aleks Oksleid-Çambërlein ishte grumbullimi surprizë për Euro 2012, ndërsa Rio Ferdinand ishte sakrifica më e madhe e listës prej 23 lojtarësh të Anglisë që u publikua nga Roi Hodgson. Ish-k

PREMIER LIGA/ Liverpuli shkarkon Dalglishin

Legjenda do të jetë i detyruar të dalë nga dera e pasme dhe me kokën ulur. Keni Dalglish është shkarkuar si trajner i Liverpulit nga pronarët amerikanë të klubit anglez, edhe pse bëhet fjal

PREMIER LIGA/ Manchester City kampion i Anglisë

Manchester City Me një fitore të vështirë “in extremis” ndaj Queens Park Rangers, 3-2, Manchester City ka arritur që pas 44 vjetësh të shpallet kampion i Anglisë në futboll.